SHYROSE BHANJI ALETA TAFRANI KWENYE UCHAGUZI WA UWT, NUSUSA APATE KIPIGO KUTOKA KWA WAPAMBE WA SOPHIA SIMBA.

 

 Shyrose akikwaruzana na wapambe wa Sophia Simba ambaye ni Mgombea wa Uenyekiti wa Jumuiya ya Wanawake Tanzania.

 

Jana wakati wa uchaguzi wa jumuiya ya wanawake wa CCM nusura uchaguzi huo uingie doa baada ya tafrani kutokea pale Mh. Mbunge wa Jumuiya ya Afrika mashariki Shyrose Bhanji alipomuuliza swali mgombea wa kiti cha Uenyekiti wa jumuiya hiyo Mh.Sophia Simba kutaka kujua kama kiongozi huyo wakati wa utawala wake wa jumuiya hiyo alijitahidi kiasi gani kuifanya jumuiya hiyo iweze kuongeza wanachama!! na kujikuta Mh. Shyrose akiambulia jibu la kuambiwa yeye ni mgeni kwenye jumuiya hiyo na hajui lolote.

Jibu hilo inaonekana halikumridhisha Mh. huyo wa Afrika mashariki na kuamua kumfuata Mgombea baada ya kushuka na kurushiana naye maneno ya kashfa mpaka palewatu wa usalama walipotokea na kuituliza tafrani hiyo kwa kumtoa nje Mh. Shyrose na mambo mengine kuendelea.

Hata hivyo Mh. Simba alishinda Uchaguzi huo kwa mara nyingine katika ngazi ya Uenyekiti wa jumuiya hiyo Taifa.